Námskeið í Kyrrðarbæn í Langholtskirkju

LangholtskirkjaNámskeið verður haldið í aðferð Kyrrðarbænarinnar (Centering Prayer) í Langholtskirkju 28. og 29. október kl. 19:30 – 22:00.

Kyrrðarbænin er eitt einfaldasta form hugleiðslubænar sem um getur og öll geta lært það og stundað. Kyrrðarbænin er ákveðin aðferð en um leið bæn sem snýst um að gefast Guði, handan orða, hugsana og tilfinninga, handan alls sem við getum ímyndað okkur. Opna hug og hjarta til þess að vera vakandi fyrir því sem er, án þess að tjá það með orðum.

Þátttökugjald á námskeiðið fyrir bæði kvöldin er kr. 3.000,-. Umsjón er í höndum Ingigerðar Konráðsdóttur, hjúkrunarfræðings og djáknakandídats og Sigurbjargar Þorgrímsdóttur, djáknakandidats.

Upplýsingar og skráning á skrifstofu Langholtskirkju á opnunartíma skrifstofunnar eða þá í netfangið langholtskirkja@langholtskirkja.is

Auglýsingar
Þessi færsla var birt undir Námskeið1, Uncategorized. Bókamerkja beinan tengil.