mosfellregnbogiKyrrðarstundir verða í Mosfellskirkju laugardagana 28. maí og 4. júní frá 9:00 til 11:00. Í fallegu umhverfi í Mosfellsdalnum verður komið  saman í kirkjunni og íhugað eftir aðferð Kyrrðarbænarinnar, gengið í dalnum eða á Mosfell og að lokum komið aftur til kirkju þar sem gengið verður til altaris.

Á kyrrðardeginum förum við í hvarf og tökum okkur hlé frá daglegri önn. Þögnin og kyrrðin veita tækifæri til íhugunar, að mæta sjálfum sér og Guði, að sjá líf sitt í nýju ljósi, vinda ofan af sér veturinn og láta uppbyggjast og endurnærast á sál og líkama. Kyrrðarbænin er einföld hugleiðslu aðferð innan kristninnar hefðar sem auðvelt er að læra og tileinka sér.  Umsjón hefur sr. Arndís G. Bernhardsdóttir Linn  og hægt er að skrá sig á netfanginu arndis.linn@lagafellskirkja.is eða í síma 866 8947. Ekki er greitt fyrir þátttöku og eru allir velkomnir.

Fyrri kyrrðarstundin er hluti af viðburðum í Hreyfiviku UMFÍ.